أبي بكي من الضيقه ...
أبي أبكي من الضيقه وابعزف للهموم أحزآن..
أبي اطلق مواويل الحزن وأطرح موآويلي..
أبي أشكي أبي أحكي أبوصف للبشر حرمآن..
أبيهم كلهم يدرون أبيهم يشعروآ فيني..
أبي لآ من طرآ اسمي بكى من لوعتي شيبآن..
أبي لآ من طرآ عآشق ذكر من كان يغليني..
أبيهم يعرفون الهم هو اللي يخآويني..
أبي أصرخ وابلغهم وأقول إن الفرح خوآن..
يحيى مره معآي وهو بطول العمر نآسيني..
أبي أترك لهم قصه وأخيرهم على العنوآن..
يسموآ حزن يحطوآ دمع أنآ ماعاد يعنيني..
أبي لآ من وصل صوتي يحس بضيقتي إنسآن..
أبي لآ من نزف جرحي لقيت اللي يدآويني..
أبي شخص يجي يمي ويقفل للعنآ بيبآن..
أبيه يكون لي خل(ن) على حزني يوآسيني..
أبيه لمركبي مرسى وأبيه لغربتي أوطآن..
أبي لآ من ذرفت الدمع لينه لي يعوضني..
أنآ ما أبيه يصبح لي ضلع أبيه يكون لي ضلعآن..
أبي لآ من مشيت وطحت حط يديه فيديني..
إلآ من خآنني التعبير أبيه يكون لي لسآن..
أبي لآ من سكت ألقآه يفهم من نظر عيني..
أبي لآ من تعبت وضقت لم الروح بالأحضآن..
أبيه يكون لي كتآب إذآ ضآعت عنآويني..
أبي أعشق وأبي أغرم وببني للهوى بنيآن..
أبيه يكون لي مبنى ضخم ويسكن فيه مغليني..
أبي وآحد ويسكن بي وبطرد لأجله السكآن..
أبي يسكن وسط قلبي وعمره مآيخليني..
أبي أشعل شموع الحب وبأعطي من الغلآ بستآن
